ՔՊ-ական պաշտոնյաների «դուխը» հերիքում է միայն սոցիալապես անապահով խավին թիրախավորելուն

Հեղափոխական պաշտոնյաները եկան փոխարինելու «նախկին թալանչիներին» մեկ գլխավոր խոստումով՝ ավելի բարեկեցիկ դարձնել քաղաքացիների կյանքը և թեթևացնել այն հարվածները, որոնք նախկինների կողմից հասցվում էին այդ նույն քաղաքացիների գրպանին:

Հեղափոխությունից չորս տարի անց մենք կարող ենք արձանագրել, որ հեղափոխական պաշտոնյաների մոտ այդ խոստումը պահելը, մեղմ ասած, չի ստացվել: Նրանցից շատերը հակառակը՝ արել են ամեն բան, որպեսզի հպարտ քաղաքացիների կյանքը էլ ավելի թանկանա:

«Սերմերի մասին» Հայաստանի Հանրապետության օրենքի համաձայն, սերմերի հավաստագրումն իրականացվում է 2005 թվականից, սակայն հավաստագրի տրամադրման համար պետական տուրք սահմանված չի եղել: Էկոնոմիկայի նախարարությունը, ի դեմս Վահան Քերոբյանի, որոշել է, որ դա անչափ սխալ մոտեցում է և որոշել է շտկել իրավիճակը՝ համարելով, որ դա թելադրված է սերմնաբուծության և տնկարանային արտադրության զարգացման անհրաժեշտությամբ։ Թե ոլորտի վրա լրացուցիչ հարկային բեռ դնելը որքանո՞վ է նպաստում դրա զարգացմանը, հավանաբար միայն նախարարությունում գիտեն։ Քիչ էր գյուղացին հարված ստացել հեղափոխական իշխանություններից, մի բան էլ դեռ պետք է սերմի հարկ տա: Մինչդեռ հեղափոխությունից հետո Նիկոլ Փաշինյանը գյուղացիներին խոստանում էր գյուղատնտեսական հեղափոխություն իրականացնել:

Էկոնոմիկայի նախարարից հետ չի մնում տարածքային կառավարման նախարարությունը: Կառավարությունն առաջարկում է օնլայն տաքսի ծառայություններն  օրենքի դաշտ բերել, այն է՝ օնլայն հարթակների միջոցով ուղևորների փոխադրման պատվերներ ընդունելը  և փոխանցելը համարել ծանուցման ենթակա գործունեություն, իսկ նման պատվերով փոխադրում իրականացնող վարորդներից գանձել ֆիքսված պետական տուրք յուրաքանչյուր պատվերի համար։ Բնականաբար, այս որոշումից առաջին հերթին տուժելու են տաքսու վարորդները:

ՏՄՊՊՀ նախագահ Գեղամ Գևորգյանը օրեր առաջ հայտարարել էր, որ ուսումնասիրություն է ընթանում կապված պարարտանյութերի գների կտրուկ թանկացման հետ: Դրանից հետո որևէ դրական մեսիջ գյուղացիները այս կառույցից այդպես էլ չստացան, Գևորգյանի ղեկավարած կառույցից հայտնեցին, որ պարարտանյութ ներկրող և սպառող օլիգարխները ստեղծված իրավիճակում որևէ մեղք չունեն, մեղավորը դրսի շուկան է, որտեղ գները կտրուկ թանկացել են, գյուղացին էլ եղունգ ունի՝ պետք է գլուխը քորի

Առողջապահության նախկրար Անահիտ Ավանեսյանի ընդունած որոշումների արդունքում կրճատվել է պետպատվերի քանակը, ինչի հետևանքով երեխաների առողջական վիճակը վատացել է։ Խնդիրներ են առկա նաև անկանխիկ վճարումների օրենքի պատճառով, քանի հաշմանդամություն ունեցող երեխայի հետ ծնողները՝ սայլակով, քայլակով կամ գրկած պետք է բանկում հերթ կանգնեն, կամ եթե ԴԱՀԿ-ն կալանք է դրած լինում ընտանիքի հաշվին, այդ ժամանակ վճարումներ ընդհանրապես չեն կարողանում կատարել։

Երևանի քաղաքապետ Հրաչյա Սարգսյանը որոշել է կտրուկ քայլերի դիմել՝ Երևանում ապօրինի փողոցային առևտուրը կանխելու համար: Այնքան կտրուկ, որ անգամ Սահմանադրության պահանջների վրա է որոշել աչք փակել և դիցուք՝ առգրավվել քաղաքացիների վաճառքի դրված ապրանքները առանց դատարանի որոշման: Ինչը, բնականաբար, որևէ աղերս չունի ՀՀ Սահմանադրության մեջ ամրագրված մոտեցումների հետ: Ուշագրավ է, որ մետրոյի նոր կայարան կառուցելու խոստմամբ երևանցիներին կերակրող Սարգսյանի միակ և գերխնդիրը այս պահին, փաստորեն, Երևանում բամբակ ու լոլիկ վաճառողներն են:

Ուշագրավն սակայն այն հանգամանքն է, որ վերը նշված պաշտոնյաների այսպես ասած՝ դուխը հերիքում է միայն սոցիալապես ոչ այնքան ապահով խավերի շահերին հարվածելուն: Մինչդեռ նույն ՄՊՀ նախագահը մատը մատին չի խփում մենաշնորհների վերացման հարցում, առողջապահության նախարարը այդ նույն օպերատիվությամբ չի հարվածում տարատեսակ ապօրինությունների վրա բռնված ԲԿ-ներին, էկոնոմիկայի նախարարությունը արտոնություններից չի զրկում օլիգարխների բիզնեսները, իսկ Երևանի քաղաքապետի մոտ դիցուք այդպես էլ չի ստացվում ապամոնտածել օլիգարխների ապօրինի շինությունները...

Այս թեմայով Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Հայաստանում բոլոր գժանոցները պետք է փակել, որովհետև դրանց կլիենտներն այլևս բարձրաստիճան պաշտոնյաներ են․ Սուրեն Սուրենյանց Արցախի պետնախարարն ու բազմաթիվ պաշտոնյաներ այստեղ են՝ հանդիպելու Սրբազանի հետ. ԱՀ ԱԺ փոխխոսնակ