ՀՀ ղեկավարներից ով ինչպես է ֆինանսավորել իր կարևորագույն հենարաններից մեկը

Հեղափոխությունից հետո շատ է խոսվում այն մասին, որ պետական ապարատի ծառայողների աշխատավարձերը կտրուկ ավելացել են: Գաղտնիք չէ, որ ցանկացած իշխանության համար թե՛ ուժայինները, թե՛ պետական ապարատը ամենահզոր և առանցքային հենարաններից են և հետևաբար արժե դիտարկել, թե ՀՀ ղեկավարներից ում կառավարման տարիներին որքանով է ավելացել այդ հենարանի ֆինանսավորումը:

Դիցուք՝ 2002 թվականին պետական մարմինների և դրանց ենթակա բյուջետային հիմնարկների աշխատավարձերի ծախսերը կազմել են 19,514,520.2 դրամ: 2004-ին այդ թիվը կազմել է 22,794,844.0 դրամ: 2005-ին ավելացել է կազմելով 28,963,886.5 դրամ: 2006-ին կազմել է 34,386,483.5 դրամ:  2007-ին՝ 38,833,500.9 դրամ: 2008-ին կտրուկ աճել են` կազմելով 50,907,327.1 դրամ:

2010-2014 թվականների ընթացքում քաղծառայողների բազային աշխատավարձը չի փոխվել, մինչդեռ, ըստ Ազգային վիճակագրական ծառայության կողմից ներկայացված տվյալների, այդ նույն ժամանակահատվածում գնաճը կազմել է 40,2 տոկոս` չհաշված գազի և էլեկտրաէներգիայի վերջին թանկացումները: 2014 թվականի հուլիսի 1-ից հանրապետությունում բարձրացվել էին նվազագույն և Ազգային ժողովի պատգամավորների աշխատավարձերը՝ 5 տոկոսով, ինչի հետևանքով բարձրացվել են նաև համայնքների ղեկավարների և համայնքներում տեխնիկական սպասարկում իրականացնող, նվազագույն աշխատավարձ ստացող աշխատակիցների աշխատավարձերը: Եթե նվազագույն բազան, ըստ նախագծի, 2014 թ. հու­լիսի մեկից կազմելու է 66 հազար 140 դրամ, ապա տասնապատիկը կազմելու է 666 հազար դրամի չափով, որից հարկը հանելուց հետո՝  պատգամավորի աշխատավարձը կազմելու էր մոտավորապես 500 հազար դրամ:

2018 թվականի ապրիլին պետական հատվածում ներգրավված է եղել 205819 մարդ, իսկ արդեն 2021թ. հունիս ամսվա դրությամբ պետական հատվածում ներգրավված աշխատողների թվաքանակը կազմել է 20805159:  Այսօր պետական հատվածում աշխատողների թվաքանակը կազմում է ընդհանուր գրանցված աշխատողների շուրջ 1/3: Ընդհանուր առմամբ, պետական հատվածի միջին անվանական ամսական աշխատավարձը 2019 և 2020թթ. աճել է համապատասխանաբար 8,4 և 5,3%-ով, իսկ ոչ պետական հատվածում (որն իրականում և ապահովել է, օրինակ` 2019թ. 7,6% ՀՆԱ աճը) աշխատավարձերը բարձրացել են համապատասխանաբար 3,8 և 3,0%-ով: 

Հայաստանի պետական ծառայողների աշխատավարձը 2021թ.–ին չի բարձրացել։ Քանի որ այն չպետք է ավելի քան 70%–ով գերազանցի երկրում գրանցված նվազագույն աշխատավարձը։ :

2023 թվականին պետծառայողների աշխատավարձերի բարձրացման համար կհատկացվի լրացուցիչ 21 մլրդ դրամ: