Փեսան դագաղով է ժամանել հարսանիքին ու զարմացրել հյուրերին

TikTok-ի օգտատեր @tobz88-ը տեսանյութ է հրապարակել ընկերոջ հարսանիքից, ով արարողությանը ժամանել է դագաղով և զարմացրել հյուրերին։ Տեսանյութը վերցվել է New York Post-ի կողմից:

Տեսանյութում ֆիքսված է այն պահը, երբ դիակառքը ժամանում է արարողության վայր, որտեղից փեսայի ընկերներից վեցը հանում են դագաղը։ «Ի՞նչ է սա, թաղո՞ւմ: Ոչ, այդպես է իմ ընկերը որոշել մոտենալ խորանին»,- ասվում է տեսանյութի մակագրության մեջ։

Ի զարմանս հյուրերի՝ չորս տղամարդ և երկու կին կապույտ զգեստներով դագաղը բերել են խորանի մոտ և դրել այնտեղ։ Հետո հյուրերից մեկը բացել է դագաղը, և փեսան դուրս է եկել այնտեղից։ Հարսնացուն չի հայտնվել տեսանյութի մեջ, ուստի նրա արձագանքը մնացել է կուլիսներում։

Տեսանյութը հավաքել է ավելի քան ութ միլիոն դիտում և բազմաթիվ մեկնաբանություններ։ Օգտատերերին զարմացրել է փեսայի անսպասելի որոշումը: Նրանցից ոմանք նկատել են, որ հյուրերն ու տղամարդու ընկերները ամոթխած տեսք ունեին։