ԱՄՆ-ում հայտարարել են փետրվարի 24-ից առաջ ռուս օլիգարխների «կասկածելի պահվածքի» մասին

Ռուս խոշոր գործարարներն ու պաշտոնյաները սկսել են ակտիվորեն միջոցներ փոխանցել հաշիվների միջև փետրվարի 24-ին Ուկրաինայում ռազմական գործողությունների սկսվելու ժամանակ և դրանցից քիչ առաջ։ Այս մասին հաղորդվում է ԱՄՆ գանձապետարանի ֆինանսական հանցագործությունների դեմ պայքարող գործակալությունների FinCen կայքում, փոխանցում է Lenta.ru-ն:

Հունվարից ապրիլ տրանսֆերտների ծավալը կտրուկ աճել է, և որոշ խոշոր սեփականատերեր, որոնց անունները գործակալությունը չի հաղորդում, սկսել են վերակազմավորել իրենց ակտիվները՝ դրանք փոխանցելով իրենց երեխաներին և հարազատներին. որոշ դեպքերում դա տեղի է ունեցել նաև ԱՄՆ-ի, ԵՄ-ի կամ Մեծ Բրիտանիայի պատժամիջոցների ցուցակում անձի մուտքագրումից անմիջապես առաջ:

Ռուս օլիգարխների ֆինանսական գործարքներն այս ժամանակահատվածում գնահատվում են տասնյակ միլիարդավոր դոլարներ։ Կազմակերպությունը նշում է, որ փոխանցումներից շատերը կատարվել են օրենքով, սակայն դրանք համարում են կասկածելի, քանի որ «շատ դեպքերում Ռուսաստանում միջոցների աղբյուրներն անհայտ են և կարող են կապված լինել կոռուպցիայի հետ»։

Գործակալությունը նկարագրում է մի դեպք, երբ փետրվարին խոշոր գործարարը նախկին կնոջը փոխանցել է մի շարք ակտիվներ՝ արվեստի գործեր, ինքնաթիռներ և զբոսանավեր։ Նույն ամսին ցուցակի մյուս անձինք մեծ տրանսֆերներ են ուղարկել արտերկրում ապրող իրենց երեխաներին, այդ թվում՝ ԱՄՆ-ում սովորածներին։ Այդ միջոցներն օգտագործվել են անշարժ գույք և շքեղ ապրանքներ գնելու համար։ Բացի այդ, կազմակերպությունը 2022 թվականի փետրվարին մեկ միլիոն դոլարի փոխանցում է արձանագրել մի գործարարից ԱՄՆ-ում բնակվող իր երեխային։