Իսրայելի իշխանությունները խոստացել են արագացնել երկրում ահաբեկիչների համար մահապատժի սահմանումը

Իսրայելի ազգային անվտանգության նախարար Իտամար Բեն Գվիրը խոստացել է արագացնել երկրում ահաբեկիչների համար մահապատժի սահմանումը Արևելյան Երուսաղեմում տեղի ունեցած ահաբեկչությունից հետո։ Այս մասին հայտնում է ՏԱՍՍ-ը։

«Ես մտադիր եմ արագացնել ահաբեկիչների համար մահապատիժ սահմանելու գործընթացը, ինչպես նաև մի շարք այլ միջոցներ, որոնք կօգնեն մեզ վերականգնել զսպման համակարգը», - ասել է նա։

Նախարարը նաև նշել է, որ Արևելյան Երուսաղեմի հրեական թաղամասերից մեկում ավտոբուսի կանգառի վրա հարձակումից հետո, որի հետևանքով երկու մարդ է զոհվել, հրամայել է սահմանափակել մուտքն ու ելքը արաբական Իսաուիյա գյուղի տարածքում, որտեղ հարձակվողն ապրել է։