Ռուսաստանն արդեն պարտվել է. Andurand Capital

2023 թվականի սկզբին արդեն կարելի է պնդել, որ Ռուսաստանը պարտվել է Եվրամիության հետ էներգետիկ պատերազմում։ Դա պայմանավորված է նրանով, որ եվրոպական երկրները բավականին կարճ ժամանակում սովորել են առանց Ռուսաստանի Դաշնությունից վառելիքի մատակարարումների և անցել են այլընտրանքային մատակարարների ներկրմանը,- Andurand Capital-ի ղեկավար Պիեռ Անդուրանի խոսքերը մեջբերում է Financial Times-ը։

«Կարծում եմ՝ Պուտինը պարտվել է էներգետիկ պատերազմում։ Եվրոպայում բնական գազի և էլեկտրաէներգիայի շատ բարձր գները չափազանց վատ էին համաշխարհային տնտեսության համար, բայց այժմ դրանք վերադառնում են ավելի խելամիտ մակարդակի: Եթե ​​գազի գները մնան նույնը, գնաճի և տոկոսադրույքների բարձրացման հետ կապված մտահոգությունները շատ ավելի քիչ կլինեն: Այլևս չկա էներգետիկ ճգնաժամի մտավախություն»,- ասել է Անդուրանը:

Նա նաև հավելել է, որ այժմ եվրոպական երկրների համար անիմաստ է վերադառնալ ռուսական ապրանք արտահանողների, այդ թվում՝ «Գազպրոմ» էներգահոլդինգի հետ բանակցություններին։ Միևնույն ժամանակ, այժմ արժե ընդունել, որ Ռուսաստանը ընդմիշտ կորցրեց իր բնական ռեսուրսների ամենամեծ սպառողին՝ ԵՄ-ին։