Սերբիան ստիպված կլինի պատժամիջոցներ կիրառել Ռուսաստանի դեմ Արևմուտքի ճնշման պատճառով․ Վուչիչ

Սերբիայի նախագահ Ալեքսանդր Վուչիչը հայտարարել է, որ երկիրը կարող է պատժամիջոցներ կիրառել Ռուսաստանի դեմ՝ երկրի վրա Արևմուտքի ճնշումների պատճառով։ Այս մասին հայտնում է RT հեռուստաալիքը։

«Սերբիան ստիպված կլինի պատժամիջոցներ կիրառել Ռուսաստանի դեմ Արևմուտքի ուժեղ ճնշման պատճառով։ Շուտով կգա այն պահը, երբ Բելգրադին կստիպեն դա անել»,- ասել է Սերբիայի ղեկավարը։

Վուչիչը հավելել է, որ իրեն ժամանակ է պետք։ Նրա խոսքով՝ ինքը սպասում է «հարմար պահի»՝ նշելով, որ այն վաղուց է մոտեցել։

Ավելի վաղ Վուչիչը հայտարարել էր, որ աշխարհը կբախվի Երկրորդ համաշխարհային պատերազմից ի վեր իր ամենամեծ ճգնաժամին, իսկ Ուկրաինայում ամենամեծ էսկալացիան սպասվում է առաջիկա հինգ-վեց ամիսների ընթացքում: Նրա կարծիքով՝ առաջիկայում դիմակայությունը միայն կսրվի ու կընդլայնվի, իսկ հետո կդառնա անկառավարելի։ Սերբիայի ղեկավարը կարծում է, որ Կիեւին տանկեր մատակարարելու որոշումից հետո արեւմտյան երկրները կորոշեն ուկրաինական բանակին F-16 ինքնաթիռներ մատակարարել։