Մակրոնը հրաժարվել է Ռուսաստանի ջախջախումը դիտարկել որպես Ֆրանսիայի դիրքորոշում

Ֆրանսիայի նախագահ Էմանուել Մակրոնը հայտարարել է, որ իր երկիրը երբեք հանդես չի եկել և հանդես չի գա Ռուսաստանին ջախջախելու օգտին։ Այս մասին նա խոսել է Le Journal du Dimanche-ին տված հարցազրույցում։

Մակրոնի խոսքով՝ ոմանք կցանկանային «առաջին հերթին ջախջախել Ռուսաստանին» և «հարձակվել նրա վրա սեփական տարածքի վրա»։ «Սակայն դա երբեք չի եղել և չի լինի Ֆրանսիայի դիրքորոշումը», - ասել է նա:

Ֆրանսիայի նախագահն ընդգծել է անհրաժեշտությունը նրա, որ «ուկրաինական հարձակումը ցնցի ռուսական ճակատը և ստիպի Մոսկվային բանակցային սեղան վերադառնալ»։ Միաժամանակ նա նաեւ կարծիք է հայտնել, որ «ոչ մի կողմին չի հաջողվի ամբողջական հաղթանակի հասնել»։ Բացի այդ, Մակրոնը կարծում է, որ Ուկրաինան «ինքնուրույն չի կարող վերականգնել իր սահմանները, քանի որ դաշնակիցներից ոչ մեկը պատրաստ չէ իր զորքերը ուղարկել գործողությունների թատրոն», - ավելացնում է հրատարակությունը։

ՌԴ ԱԳՆ խոսնակ Մարիա Զախարովան, մեկնաբանելով Մակրնոի խոսքերը, հայտարարել է, որ Ֆրանսիան ՆԱՏՕ-ի անդամ է, որի համար Ռուսաստանը բնորոշվում է որպես հակառակորդ։ «Փարիզը կարող էր դիմադրել, բայց ոչինչ չկարողացավ անել  և համերաշխ էր դրա հետ։ Ռուսաստանի հաղթանակի անթույլատրելիության մասին հայտարարությունների ֆոնին զենքի մատակարարումն այլ տրամաբանական եզրակացություն չի թողնում, բացի մի բանից՝ ուզում են, որ մենք պարտվենք»,- նշել է նա։