Օրբանը Ռուսաստանի համար «դժվար տարիներ» է կանխատեսել
Աշխարհ
Հունգարիայի վարչապետ Վիկտոր Օրբանը կանխատեսել է Ռուսաստանի համար երկու-երեք «դժվար» տարիներ, ինչպես նաև իրավիճակի հետագա փոփոխություն՝ դեպի լավը։ Այդ մասին նա հայտարարել է Weltwoche շվեյցարական խմբագրությանը տված հարցազրույցում։
Հունգարիայի կառավարության ղեկավարի խոսքով՝ ՌԴ նախագահ Վլադիմիր Պուտինը «իր երկիրը տանում է դեպի տառապանք»։
«Առաջիկա երկու-երեք տարիները կարող են դժվար լինել Ռուսաստանի համար, բայց հետո ամեն ինչ նորից դեպի լավը կփոխվի»,- ասել է նա։
Քաղաքական գործչի խոսքով՝ ռուսները «կարողանում են սովորել և կարողանում են հարմարվել նույնիսկ ամենաանբարենպաստ պայմաններին»։
«Նրանք երբեք չպետք է թերագնահատվեն», - ասել է նա:
Օրբանը նաև նշել է, որ 2022 թվականի փետրվարի սկզբին կայացած վերջին հանդիպման ժամանակ Պուտինն իրեն ասել է, որ խնդիր է տեսնում «Ռումինիայում և Լեհաստանում արդեն ստեղծված ամերիկյան հրթիռային բազաների, ինչպես նաև ՆԱՏՕ-ի՝ Ուկրաինայում և Վրաստանում զենք տեղակայելու նպատակով հնարավոր ընդլայնման հետ կապված»։
«Այդ պատճառով Պուտինն այլևս չէր կարող գիշերները հանգիստ քնել», - շարունակել է Հունգարիայի կառավարության ղեկավարը։
Ամենադիտված 
Մնաս բարյավ. Րաֆֆի Հովհաննիսյան
