Կորոնավիրուսի լաբորատոր արտահոսքի տարբերակը շատ իրական է, բայց ոչ վերջնական․ Բլինքեն
Աշխարհ
ԱՄՆ պետքարտուղար Էնթոնի Բլինքենը հնդկական India Today ամսագրին ասել է, որ Միացյալ Նահանգները դեռևս չի կարողացել ամբողջությամբ որոշել կորոնավիրուսի աղբյուրը։
Նրա խոսքով՝ ինտենսիվ հետազոտությունների արդյունքներով՝ ԱՄՆ մի շարք գործակալություններ պնդում են, որ COVID-19-ը առաջացել է Չինաստանի Ուհան քաղաքում լաբորատոր արտահոսքի հետևանքով։
«Մյուսները կարծում են, որ գուցե դրա աղբյուրը եղել է ինչ-որ տեղ կենդանիների շուկայում, ինչպես նաև Ուհանում», - ասել է Բլինքենը:
Ինչպես նշել է նա, ԱՄՆ գործակալություններից ոչ մեկը չի կարող վերջնական դատողություն անել։
«Հետևաբար, մենք չենք կարող վստահորեն խոսել այս կամ այն տարբերակի օգտին։ Հավանականությունը, որ COVID-19-ը ստեղծվել է լաբորատորիայում, ակնհայտ է և շատ իրական, բայց այն վերջնական չէ»,- ասել է ամերիկյան դիվանագիտության ղեկավարը։
Նա նաև նշել է, որ այս հարցը պետք է առանձին դիտարկել նրանից, թե արդյո՞ք երկրներից որևէ մեկը ցանկացել է կանխամտածված տարածել կորոնավիրուսային վարակը՝ որպես իրենց կենսաբանական զենքի ծրագրի մաս։
Բլինքենն ավելացրել է, որ իր տեղեկություններով՝ ԱՄՆ գործակալություններից ոչ մեկը «ապացույց չի գտել, որ դա այդպես է եղել»։
Ամենադիտված 
Մնաս բարյավ. Րաֆֆի Հովհաննիսյան
