ԱՄՆ-ում հայտարարել են Ուկրաինայում ԿՀՎ-ի գաղտնի գործողության մասին

Պենտագոնի նախկին խորհրդական, գնդապետ Դուգլաս Մակգրեգորը հայտնել է, որ Կենտրոնական հետախուզական վարչությունը (ԿՀՎ) պայմանագրային զինծառայողների անվան տակ ամերիկացի զինվորականներ է ուղարկում Ուկրաինա՝ զինված ուժերին օգնելու կառավարել ՆԱՏՕ-ի սարքավորումները։ Համապատասխան հայտարարությունը նա արել է Judging Freedom YouTube-յան ալիքին տված հարցազրույցում։

«Մենք հավաքագրում ենք որքան հնարավոր է շատ վարձկաններ», - ասել է գնդապետը:

Նրա խոսքով՝ ԿՀՎ-ն նրանց հովանավորում է ֆիկտիվ կազմակերպությունների միջոցով։ «Դա ցույց է տալիս, թե «որքան հուսահատ ենք մենք»»,- շարունակել է ԱՄՆ պաշտպանության նախարարության նախկին խորհրդականը։

Նրա խոսքով, նրանք, ովքեր դեռ երեկ էին կրում ամերիկյան համազգեստ, դառնում են կապալառուներ, իսկ այժմ նրանց ուղարկում են Ուկրաինա՝ իրենց հանձնարարված խնդիրները կատարելու։ Առանց նրանց օգնության, Ուկրաինայի զինված ուժերի զինվորականները չեն կարող ինքնուրույն օգտագործել այն տեխնիկայի մեծ մասը, որը Արևմուտքը տրամադրել է Կիևին, ասել է Մակգրեգորը։

Բացի այդ, նրանք չեն կարող օգտագործել նոր տանկերը, որոնք ՆԱՏՕ-ի երկրները շուտով կմատակարարեն ուկրաինական կողմին։ Այդ իսկ պատճառով նրանք նախատեսում են Ուկրաինա ուղարկել եվրոպացի հրահանգիչներ այնպիսի երկրներից, ինչպիսիք են Մեծ Բրիտանիան, Գերմանիան, Չեխիան, Լատվիան, Լիտվան և Նորվեգիան, ենթադրել է Պենտագոնի նախկին խորհրդականը։

Նա նաև նշել է, որ Ուկրաինան, ներառյալ նրա կառավարությունն ու զինվորականները, գտնվում են Միացյալ Նահանգների «լիակատար վերահսկողության տակ»:

«Մենք որոշեցինք կառավարել այս նավը մինչև վերջ, անկախ նրանից, թե որքան սառցաբեկորներ կան դրա ճանապարհին», - ասել է Մակգրեգորը:

Նրա կարծիքով՝ «այնարդեն բախվել է» մեկ այսբերգի և «իջնում ​​է դեպի հատակը»։