Ուզբեկստանում արտահերթ նախագահական ընտրություններ կանցկացվեն
Աշխարհ
Ուզբեկստանի նախագահ Շավքաթ Միրզիյոևը երկուշաբթի օրը Օլիմյան Մեջլիսի (խորհրդարանի), քաղաքական կուսակցությունների, դատական և գործադիր իշխանությունների պալատների ղեկավարների հետ հանդիպման ժամանակ ասել է, որ հրամանագիր է ստորագրել պետության ղեկավարի արտահերթ ընտրություններ անցկացնելու մասին, գրում են միջազգային ԶԼՄ-ները։
«Օգտվելով նորացված սահմանադրության 128-րդ հոդվածով երկրի նախագահին վերապահված լիազորություններից՝ ստորագրել եմ երկրորդ կարևոր հրամանագիրը, որի համաձայն՝ մեր երկրում նախագահական ընտրությունները կանցկացվեն ժամկետից շուտ»,- ասել է պետության ղեկավարը։
Նա բացատրել է, թե ինչու է անհրաժեշտ համարում արտահերթ ընտրությունների անցկացումը, ինչպես նաև հրաժարվել է իր նախագահական պաշտոնավարման մնացած երեքուկես տարիներից։
«Ինչո՞ւ եմ ինքս հրաժարվում իմ նախագահական ժամկետի մնացյալ երեքուկես տարիներից։ Մեր հիմնական օրենքի համաձայն՝ իշխանության բոլոր ճյուղերը բարեփոխվում են, լրջորեն փոխվում են հարաբերություններն ու հավասարակշռությունը»,-ասել է Միրզիյոևը։
Նրա խոսքով, նորացված Սահմանադրությունը «նախագահի, խորհրդարանի և կառավարության համար հրատապ նոր քաղաքական, սոցիալական և տնտեսական խնդիրներ է դնում»։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
