Սոչիի ափերի մոտ ուկրաինական երկու ԱԹՍ է խոցվել

Հոկտեմբերի 14-ին հակաօդային պաշտպանության համակարգերը Սոչիի ափերի մոտ խոցել են ուկրաինական երկու անօդաչու թռչող սարքեր։ Այս մասին իր Telegram ալիքում հայտնել է վարչակազմի ղեկավար Ալեքսեյ Կոպայգորոդսկին։

ՌԴ ՊՆ մամուլի ծառայության փոխանցմամբ՝ դեպքը տեղի է ունեցել ժամը 07:10-ի սահմաններում։ Կիևը օգտագործել է երկու անօդաչու թռչող սարք։ ՌԴ Պաշտպանության նախարարությունն ընդգծել է, որ երկու անօդաչու թռչող սարքերն էլ ոչնչացվել են Սև ծովում՝ Կրասնոդարի երկրամասի ափերի մոտ։

Կոպայգորոդսկին պարզաբանել է, որ անօդաչուները ոչնչացվել են Սոչիում։

«Քաղաքում զոհեր և ավերածություններ չկան»,- ընդգծել է վարչակազմի ղեկավարը։