Տարածաշրջանը գտնվում է «վառոդի տակառի» վիճակում․ Իրանի ԱԳ նախարար

Իրանի արտաքին գործերի նախարար Ամիր Աբդոլլահիանն ասել է, որ տարածաշրջանը գտնվում է վառոդի տակառի վիճակում, և կա պայթյունի ու իրավիճակը վերահսկողությունից դուրս գալու հավանականություն։

ԻՌՆԱ-ի հաղորդմամբ, Հոսեյն Ամիր Աբդոլլահիանն այս հայտարարությունն արել է հինգշաբթի առավոտյան Ջիդդայից մեկնելուց առաջ լրագրողների հետ զրույցում՝ խոսելով Պաղեստինի և Իսրայելի միջև հակամարտության մասին։

Արտգործնախարարը, նշելով, որ բոլորը միակարծիք են, որ քաղաքական ակտիվիստները չպետք է անտարբեր լինեն խաղաղ բնակչության, կանանց և երեխաների սպանությունների նկատմամբ և պետք է քայլեր ձեռնարկեն, ասել է. «Մեր ունեցած երկկողմ հանդիպումներում լուրջ քննադատություն է հնչել Միացյալ Նահանգների նախագահ պարոն Ջո Բայդենի գործողությունների վերաբերյալ, քանի որ նախ ՝ այն պայմաններում, երբ Գազայի հիվանդանոցը թիրախ է դառնում սիոնիստական ռումբերի և ավելի քան հազար խաղաղ բնակիչների համար, բժշկական անձնակազմն ու հիվանդները նահատակվում են, Բայդենը պաշտպանում է պատերազմի կողմը և մտնում է տարածաշրջան, իսկ երկրորդը, ինչպես ասաց արտգործնախարարներից մեկը՝ «դինոզավրը ճանճ է ծնել»»։