Միացյալ Նահանգները պատասխանատվություն է կրում` աջակցելու Իսրայելին և Ուկրաինային. Բայդեն

Միացյալ Նահանգները պատասխանատվություն է կրում` աջակցելու Իսրայելին և Ուկրաինային` ժողովրդավարություններին, որոնք թիրախ են դարձել ահաբեկիչների և բռնապետությունների կողմից, հինգշաբթի երեկոյան Սպիտակ տնից ամերիկացիներին ասել է ԱՄՆ նախագահ Ջո Բայդենը, գրում են միջազգային ԶԼՄ-ները։

«Ինչո՞ւ է սա կարևոր Ամերիկայի համար: Որովհետև երբ ահաբեկիչները և բռնապետերը չեն վճարում իրենց գործողությունների համար, նրանք առաջ են շարժվում»,-ընդգծել է նախագահ Բայդենը։ ԱՄՆ նախագահը դիմել է երկրին Սպիտակ տան Օվալաձև գրասենյակից՝ բացատրելու ամերիկացիներին, որ երկու մերձավոր դաշնակիցներին աջակցությունն ու օգնությունը բխում է Միացյալ Նահանգների ազգային շահերից։ «Պատմությունը մեզ սովորեցնում է, որ երբ ահաբեկիչները չեն վճարում ահաբեկչության համար, երբ բռնապետերը չեն վճարում ագրեսիայի համար, դա հանգեցնում է նոր քաոսի և մահվան, նոր ավերածությունների: Նրանք չեն դադարում դա անել, իսկ Ամերիկային ու աշխարհին սպառնացող ծախսերն ու սպառնալիքներն ավելանում են»,- ասել է Ջո Բայդենը։ Նա հիշեցրել է, որ Ռուսաստանի նախկին նախագահ Դմիտրի Մեդվեդևը վերջերս Էստոնիան, Լատվիան և Լիտվան անվանել է Ռուսաստանի Բալթյան նահանգներ։

Նախագահ Բայդենի խոսքով, եթե Միացյալ Նահանգները երես թեքվի Ուկրաինայից և Իսրայելից, դա կվտանգի ամերիկյան առաջնորդությունը, որի վրա հիմնված է համաշխարհային կայունությունը, դաշինքները, որոնք ապահովում են ԱՄՆ անվտանգությունը և ամերիկյան արժեքները: Նա հայտարարել է Կոնգրեսին Իսրայելին և Ուկրաինային օգնելու համար շտապ միջոցներ տրամադրելու վերաբերյալ դիմելու խնդրանքի մասին: «Ես ինձ միայնակ չէի զգում Ուկրաինայում, ինձ թվում էր, թե ամերիկյան գաղափար եմ բերում, ամերիկյան հույս մի ժողովրդի, որը պայքարում է նույն իդեալների համար, ինչ մենք 250 տարի առաջ պայքարել ենք, այն է ազատությունը, անկախությունը, ինքնորոշմումը»,-ասել է Բայդենը: