Մենք բարձր ենք գնահատում Իրանի դիրքորոշումը․ Բայրամով

Ադրբեջանի ԱԳՆ ղեկավար Ջեյհուն Բայրամովն Իրանի Իսլամական Հանրապետության նախագահ Էբրահիմ Ռայիսիի հետ հանդիպմանը քննադատել է արեւմտյան երկրների դիրքորոշումը տարածաշրջանային խնդիրների վերաբերյալ։

Ադրբեջանը հատուկ նշանակություն է տալիս Իրանի հետ հարաբերություններին, հայտարարել է Բայրամովը։

«Մենք բարձր ենք գնահատում Իրանի դիրքորոշումը Ադրբեջանի տարածքային ամբողջականությանն աջակցելու հարցում»,- նշել է նա։

Ադրբեջանցի նախարարն ընդգծել է, որ վերջին ամիսներին զգալի առաջընթաց է գրանցվել երկու երկրների հարաբերությունների կարգավորման և երկկողմ համագործակցության խթանման ուղղությամբ։