Պաղեստինն Իսրայելի դեմ բողոք կներկայացնի ՄՔԴ՝ ցեղասպանության մեղադրանքով

Պաղեստինը Միջազգային քրեական դատարան բողոք կներկայացնի Իսրայելի վարչապետ Բենիամին Նեթանյահուի և իսրայելական բանակի դեմ՝ պաղեստինցի ժողովրդի դեմ ցեղասպանության մեղադրանքով, ՌԻԱ Նովոստիին ասել է Պաղեստինի արդարադատության նախարար Մուհամմեդ ալ-Շալալդան։

«Մենք՝ որպես տուժողներ, իրավունք ունենք բողոքներ ներկայացնել Միջազգային քրեական դատարան, և դատի ենք տալու Իսրայելի վարչապետին, շտաբի պետին և բոլոր հրամանատարներին, ովքեր զինվորներին ու սպաներին հրամայել են վարել ագրեսիվ պատերազմ, ցեղասպանություն իրականացնել անպաշտպան ժողովրդի դեմ և ոչնչացնել քաղաքացիական օբյեկտներ, հիվանդանոցներ և տներ»,- ասել է ալ-Շալալդան։

Պաղեստինցի նախարարն ընդգծել է, որ Իսրայելը խախտում է ռազմական գործողություններում համաչափության և ռազմական անհրաժեշտության սկզբունքը։