Արդեն 3 oր է գտնվում ենք ինֆեկցիոնում. ոչ բժիշկ ենք կարողանում գտնել, ոչ բուժքույր. ահազանգ
ԻրանԱրդեն 3 oր է, ինչ գտնվում ենք ինֆեկցիոն հիվանդանոցում, բայց մեր հարկում ոչ բժիշկ ենք կարողանում գտնել, ոչ բուժքույր։ Այս մասին «Փաստինֆոյի» հետ զրույցում ահազանգեց Զարուհի Սարիբեկյանը՝ ընդգծելով, որ իր պահանջով թեև երեխան դեռ վատառողջ է, սակայն դուրս են գրվել՝ պայմանով, որ տեղափոխվելու են մեկ այլ հիվանդանոց։
«Այս իրավիճակն այս հիվանդանոցի համար նոր չէ, անցած տարի էլ ստիպված էինք դիմել ու նույն խայտառակ իրավիճակն էր։ Նախ՝ միայն բոքսում տեղ ունեին ու երեխայի հետ պառկել ենք բոքսում, իսկ բոքսում պայմանները կատաստրոֆիկ էին, պատուհանները չեն բացվում և օդափոխության տարբերակ չկա, զուգարանը ընդհանուր մեկն է ու, ես օրինակ, մի քանի ժամ վախից ուղղակի չեմ մտել զուգարան»։
Սարիբեկյանը պատմեց, որ իրավիճակն ամենևին էլ չի բարելավվել, երբ տեղափոխվել են մանկական բաժին։ «2 օր այնտեղ ստացել ենք սիստեմաներ ու հակաալերգիկ դեղ, այսօր ոչինչ չեն արել, թեև երեխան վատ էր զգում։ Ամենավատն այն է, որ հարկում չկա բժիշկ, չկա բուժքույր, չկա սանիտարկա։ Պարզվում է՝ 2 հարկի վրա մեկ բժիշկ է, մեկ բուժքույր ու մեկ սանիտարկա, մինչդեռ վերևի հարկում կարմրուկով երեխաներ են պառկած։ Հիմա պատկերացրեք, ու նույն անձնակազմը իջնում է մեր հարկ, որտեղ կարմրուկով երեխաներ չեն»,- անհանգստացած ասաց ծնողը։
Մեր զրուցակիցը բողոքեց նաեւ բուժանձնակազմի վերաբերմունքից՝ նշելով, որ, երբ երեխայի ինքնազգացողությունը վատացել է՝ բժշկի միակ հորդորը թեյ խմելն է եղել։ «Խմելուց հետո երեխան փսխել էր, 30 րոպո մարդ չկար որ մաքրեր, ես մի փոքր խելքի գալուց հետո ինքս եմ մաքրել ամբողջը։
Բայց սա դեռ ամբողջը չէ, ինֆոկցիոն հիվանդանոցը կեղտի ու փոշու մեջ կորած էր, զուգարանում, ոչ մի պարագա չկա, ոչ օճառ, ոչ թուղթ։ Չկա նաեւ խոհանոց։ Իրենք այս իրավիճակը պատճառաբանում են անձնակազմի բացակայությամբ; Եթե այդ հակահիգիենիկ վիճակը լիներ այլ հիվանդանոցում գուցե իրավիճակն այդքան ողբալի չլիներ, բայց խոսքը ինֆեկցիոնի մասին է, որտեղ 2 հարկը մեկ բժիշկ է սպասարկում ու ոչ մեկին չի հասցնում։ Առավոտյան մի աղջիկ կար, ամբողջ հարկում ընկած բժիշկ էր փնտրում, ասում էր երեխաս վատ է՝ բժիշկ կա՞»։
Նա նշեց, որ ահազանգել է նախարարություն, որից հետո միայն տնօրինության կողմից պարզաբանել են, որ անձնակազմի սակավության խնդիր ունեն։
«Սա այն դեպքն է, որ եթե հայտնվես այդ հիվանանոցում մի ախտորոշմամբ, մի քանի հիվանդություն վերցրած կարող ես այնտեղից դուրս գալ»,-ասաց կինը։
Տեսանյութում՝ բուժհաստատության հակահիգիենիկ վիճակն է։
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
