Իրանում Ադրբեջանի դեսպանատունը կվերաբացվի

Ադրբեջանի ԱԳՆ մամուլի ծառայության ղեկավար Այխան Հաջիզադեն մեկնաբանել է Իրանում Ադրբեջանի դեսպանատան աշխատանքի վերսկսման հնարավորությունը, հաղորդում են ադրբեջանական ԶԼՄ-ները։

Հաջիզադեն ասել է, որ վերջին մի քանի ամիսների ընթացքում երկու երկրների պաշտոնյաների և համապատասխան կառույցների միջև շփումների և բանակցությունների շրջանակներում իրանական կողմին փոխանցվել են Ադրբեջանի ակնկալիքները։

«Համապատասխան աշխատանք է տարվել նաև Ադրբեջանի դեսպանատունը նոր, ավելի անվտանգ վայր տեղափոխելու ուղղությամբ, որը կհամապատասխանի բոլոր պահանջներին, ինչի արդյունքում՝ արդեն որոշվել է նրա նոր վայրը»,- ասել է Հաջիզադեն։