Վրաստանի նախագահն առաջարկել է չեղյալ համարել «Օտարերկրյա գործակալների մասին» օրենքը
Արտակարգ Պատահար
Վրաստանի նախագահ Սալոմե Զուրաբիշվիլին, ով հրաժարվել է ստորագրել «Օտարերկրյա գործակալների մասին» օրենքը, խորհրդարանի անդամներին ուղղված իր նամակում առաջարկել է այն չեղարկել ուժի մեջ մտնելու հաջորդ օրը։
««Օտարերկրյա գործակալների մասին» օրենքը կատարելագործելն անհնար է, հետևաբար, օրենքի չեղարկումն այլընտրանք չունի և ներկայացնում է ժողովրդի կամքը»,-այս մասին ասվում է նամակում, որը հրապարակվել է Վրաստանի հանրային հեռարձակողի Առաջին ալիքի կայքում։
«Սալոմե Զուրաբիշվիլին օրենքը մեզ վերադարձրեց մեկ փոփոխությամբ, որպեսզի այն մեկ օրով ուժի մեջ մնա, դրանով նա փակեց քննարկման հնարավորությունը և վերջապես հաստատեց, որ չկան իրական փաստարկներ օրենքի դեմ»-ֆեյսբուքյան իր էջում գրել է Խորհրդարանական մեծամասնության առաջնորդ Մամուկա Մդինարաձեն։
Ավելի վաղ Զուրաբիշվիլին հայտարարել էր, որ ինքը վետո է դրել օտարերկրյա գործակալների մասին օրենքի վրա։ Եթե խորհրդարանը ձայների մեծամասնությամբ հաղթահարի նախագահի վետոն, օրենքը, բացառությամբ երկու հոդվածների, կիրականացվի հրապարակումից անմիջապես հետո։
Ամենադիտված 
Մնաս բարյավ. Րաֆֆի Հովհաննիսյան
