Ղազախստանը պատրաստ է Ալմաթիի հարթակը տրամադրել Հայաստանի ու Ադրբեջանի բանակցությունների համար. Տոկաև

Ղազախստանը պատրաստ է Ալմաթիի հարթակը տրամադրել Հայաստանի ու Ադրբեջանի միջև խաղաղության շուրջ բանակցությունների համար։ Այս մասին ասել է նախագահ Կասիմ Ժոմարտ Տոկաևը ՀՀ նախագահ Վահագն Խաչատուրյանի հետ հանդիպմանը, գրում են միջազգային ԶԼՄ-ները:

Ջերմորեն ողջունելով Հայաստանի նախագահին՝ երկրի ղեկավարը նշել է, որ Ղազախստանը շահագրգռված է ղազախ-հայկական համագործակցությունը որակապես նոր մակարդակի հասցնելու հարցում։

«Վստահ եմ, որ այսօրվա պայմանավորվածությունները կօգնեն ամրապնդել երկկողմ հարաբերությունները։ Մենք մեծ նշանակություն ենք տալիս մեր հերթական գագաթնաժողովի հանդիպումներին, որոնք ամուր հիմք են ծառայում ղազախ-հայկական գործընկերության համար։ Ղազախստանը շատ է գնահատում Հայաստանի հետ իր բարեկամական հարաբերությունները։ Ղազախական հողի վրա հայ ժողովրդի նկատմամբ ջերմ զգացմունքներ կան: Ղազախստանի համար Հայաստանը հուսալի և ժամանակի փորձարկված սերտ գործընկեր է։ Մեր ժողովուրդները կապված են ամուր բարեկամական կապերով, ընդհանուր պատմությամբ և համանման մշակութային ու մարդասիրական արժեքներով։ «Ես գոհունակությամբ նշում եմ երկկողմ հարաբերությունների դինամիկ և առաջանցիկ զարգացումը բոլոր ոլորտներում»,- ընդգծել է Կասիմ-Ժոմարտ Տոկաևը։

Նա հաստատել է ղազախական կողմի պատրաստակամությունը՝ շարունակելու Ալմաթիի հարթակը տրամադրել Ադրբեջանի և Հայաստանի միջև խաղաղության պայմանագրի կնքման շուրջ բանակցությունների համար։