Մի քիչ էլ որ իրար հրահրեն, շատ բաներ կիմանանք. Բագրատ Սրբազան

ԱԺ-ում լրագրողների հետ զրույցում Բագրատ Սրբազանն անդրադառնալով հոկտեմբերի 15-ին ԱԺ լսումների ժամանակ ՔՊ-ական պատգամավոր Հովիկ Աղազարյանի և ՔԿ նախագահ Արգիշտի Քյարամյանի միջև տեղի ունեցած սկանդալային միջադեպին նշեց․

«Մարդիկ ինքնախոստովանություն արեցին կամ հանցագործության բացահայտում: Եթե մենք նորմալ իրավական համակարգ ունենայինք, պետք է տեղում հաղորդում տային կամ ներկայացնեին, որևէ վարույթ սկսեին: Բացահայտ հաղորդում է տրվել, ընդ որում՝ երկու կողմից: Դեռ ինչե՞ր կարող են բացահայտվել, եթե մի քիչ էլ իրար հրահրեն, շատ բաներ կխոսեն ւ կբացահայտեն»,-ասաց նա։

Նշենք, որ Բագրատ Սրբազանը ԱԺ-ում է՝ մասնակցելու «Հայաստան» խմբակցության նախաձեռնած «Հայաստանի Անկախության մասին հռչակագրի անժամանցելի արդիականության մասին» ԱԺ հայտարարության նախագծի քննարկմանը:

Հիշեցնենք, որ հոկտեմբերի 15-ին ԱԺ լսումների ժամին ՔՊ-ական պատգամավոր Հովիկ Աղազարյանի և Քննչական կոմիտեի նախագահ Արգիշտի Քյարամյանի միջև ընդհարում տեղի ունեցավ, հնչեցին միմյանց հասցեին վիրավորանքներ։