Արքայազն Հարրին և Մեգան Մարքլը տուն են գնել

Այն բանից հետո, երբ հրատարակվեց «Պահեստայինը» սկանդալային հուշագրությունը եւ արքայազն Հարին ու Մեգան Մարքլը արտաքսվեցին Մեծ Բրիտանիայից, նրանք ձեռք բերեցին տուն Պորտուգալիայում։ Թագավոր Չարլզ 3-րդը, որ դժգոհ էր մնացել կրտսեր որդու բացահայտումներից, պահանջել էր ազատել Ֆրոգմոր-քոթեջը, որը նրանց էր տրամադրել հանգուցյալ Եղիսաբեթ 2-րդ թագուհին։ Մինչեւ վերջերս, հայրենիք կատարած եզակի այցերի ժամանակ, Սասեքսի դուքս ու դքսուհին հարկադրված էին լինում կան մնալ հյուրանոցներում, կամ էլ հյուրընկալվել արքայազն Հարիի քեռու՝ արքայադուստր Դիանայի եղբոր՝ Չարլզ Սպենսերի տանը։ Սակայն, ըստ Daily Mail-ի, Հարին ու Մեգանը գնել են անշարժ գույք Պորտուգալիայում, որտեղից Անգլիա՝ օդանավով երկու ժամ է թռիչքը։

Պարբերականը նշում է, որ հնարավոր է, որ այս ձեռք բերման վրա ազդել է այն, որ արքայազնի զարմուհին՝ արքայադուստր Եվգենիան, մի քանի տարի առաջ, իր ամուսնու՝ Ջեք Բրուքսբանքի հետ Հարիին ու Մեգանին հրավիրել էր Մելիդեշում գտնվող իր կալվածքում հյուրընկալվելու։

Ջեքն աշխատում է CostaTerra քոթեջային համալիրի մարքեթինգային բաժնում եւ հնարավոր է, որ Սասեքսի դքսին ու դքսուհուն օգնել է, որպեսզի կարողանան իրենց տունն ունենալ Պորտուգալիայում։ Հրապարակման մեջ նշվում է, որ Պորտուգալիայում անշարժ գույք ունենալով, Հարին ու Մեգանը կարող են ազատ տեղաշարժվել Շենգենյան գոտու երկրներում։ Պարբերականը հեգնանքով նկատում է, որ դա նրանց համար ինքնագովազդի եւ կեղծ բարեգործական ակցիաներ իրականացնելու համար նոր հորիզոններ է բացում։