Porsche-ը ազդարարել է 911 GT նոր մոդելի մասին

Porsche 911 GT նոր մոդելի համաշխարհային ցուցադրությունն արդեն սարերի հետեւում չէ, այն կկայանա հոկտեմբերի 18-ին, Porsche Newsroom-ի պաշտոնական եւ տարբեր սոցիալական ալիքների միջոցով, տեղեկացրել է Hypabeast-ը։

Նոր մեքենան, ինչպես ասում են, նշանավորում է նոր սերնդի GT առաջին 911 մոդելը եւ «արդեն մեկնարկի փուլում է»։

Սպասվում է, որ ցուցադրման պաշտոնական օրը GT մոդելային գծի տնօրեն Անդրեաս Փրոյնինգերը կներկայացնի նոր ավտոմեքենան բրենդի դեսպաններ Վալթեր Ռյորլի եւ Յորգ Բերգմայսթերի հետ թվային համաշխարհային պրեմիերայի շրջանակում։

Ավտոարտադրողը տեղեկացրել է, որ GT նոր մոդելը կներկայացվի երկու նախնական տարբերակով, երկուսն էլ կներկայացվեն միաժամանակ եւ երկուսն էլ «կլինեն էլ ավելի հուզական», անհատականացման հնարավորությամբ եւ տարբեր նորարարական դետալներով։

News.am