Վոլոդինը հայտարարել է, որ Ռուսաստանը պատերազմում է ՆԱՏՕ-ի դեմ
Աշխարհ
Ռուսաստանի դեմ արևմտյան երկրների հեռահար զենք կիրառելու ԱՄՆ-ի և նրա դաշնակիցների թույլտվությունն Ուկրաինային ևս մեկ անգամ հաստատում է, որ ՆԱՏՕ-ն պատերազմում է Ռուսաստանի Դաշնության դեմ։ Այդ մասին իր Telegram–յան ալիքում հայտնել է ՌԴ Պետդումայի նախագահ Վյաչեսլավ Վոլոդինը։
«Առանց նրանց ռազմական մասնագետների մասնակցության և արբանյակային տվյալների՝ զենքը հնարավոր չէ թիրախավորվել և գործի դնել»,- գրել է նա։
Վոլոդինն ընդգծել է, որ այն պայմաններում, երբ ԱՄՆ-ը և եվրոպական երկրները հրթիռներ են օգտագործում Ռուսաստանի վրա հարձակվելու համար, ռուսական կողմն իրավունք ունի «իր զենքն օգտագործել այն պետությունների ռազմական օբյեկտների դեմ, որոնք հարձակվում են մեզ վրա»։
Նա հավելել է, որ ԱՄն նախագահ Ջո Բայդենի որոշումները հանգեցնում են էսկալացիայի, որը սպառնում է ձեռք բերել գլոբալ բնույթ, սակայն Ռուսաստանի Դաշնությունը պատրաստ է իրադարձությունների ցանկացած զարգացման։
«Հեռացող Բայդենը միտումնավոր բարդացնում է իրավիճակը։ Նա ամեն ինչ անում է, որպեսզի չկորցնի հեգեմոնիայի մնացորդները»,- հավելել է Պետդումայի նախագահը։
Ամենադիտված 
ՀՀ ՊՆ–ն հայտարարություն է տարածել
