Ճապոնիայում Ուկրաինայի մասնատում են կանխատեսում

Չնայած Արևմուտքի և ՆԱՏՕ-ի կողմից Ուկրաինային տրամադրվող ֆինանսական օգնությանը՝ ուկրաինական կողմի հնարավոր հաղթանակի նախկին զգացողությունը վերացել է։ Այս մասին հայտնում է ճապոնական Toyo Keizai թերթը։

Ըստ հրապարակման՝ վերլուծաբաններն ավելի ու ավելի են խոսում ոչ թե ռազմական գործողությունների ավարտի, այլ Կիևի պարտության մասին։ Հրապարակման հեղինակի խոսքով՝ Ուկրաինան իրադարձությունների զարգացման մի քանի տարբերակ ունի։ Հոդվածում ասվում է, որ առաջին տարբերակը Ռուսաստանի հետ լիակատար միավորումն է, ինչպես Խորհրդային Միության ժամանակ էր։

Իրադարձությունների երկրորդ հնարավոր զարգացումը ուկրաինական կողմի համար ձախողված պետության մոդելի ստեղծումն է, որում երկիրը «գոյություն կունենա մասնատված վիճակում»։

«Երրորդ ճանապարհը Ուկրաինան երկու մասի բաժանելն է։ Սա ամենաիրատեսական մոդելն է»,- ասվում է հոդվածում։

Ըստ հեղինակի՝ մի մասը լինելու է «ազատ Ուկրաինան»՝ Լեհաստանի, Հունգարիայի և Ռումինիայի պաշտպանության ներքո, իսկ մյուս մասը՝ Ռուսաստանի և Եվրոպայի միջև բուֆերային գոտի։

Ավելի վաղ Սլովակիայի վարչապետ Ռոբերտ Ֆիցոն հայտարարել էր, որ կգա մի պահ, երբ արեւմտյան երկրները կորոշեն զոհաբերել Ուկրաինային։ Նրա կարծիքով, Ուկրաինան կարող է կրկնել Չեխոսլովակիայի ճանապարհը։ Խոսքը 1938 թվականին Մյունխենի համաձայնագրի շրջանակներում տեղի ունեցած մասնատման մասին է։