Թրամփը փակելու է բոլոր դաշնային կառավարության ընդգրկման ծրագրերը

ԱՄՆ նորընտիր նախագահ Դոնալդ Թրամփը պաշտոնը ստանձնելուց հետո փակելու է բոլոր դաշնային կառավարության ընդգրկման ծրագրերը։ Այս մասին հայտնում է Fox News հեռուստաալիքը՝ վկայակոչելով աղբյուրներ։

Նրա խոսքով՝ ամերիկացի նոր առաջնորդը ձգտելու է վերջ դնել բազմազանության, հավասարության և ներառման բոլոր ծրագրերին երդմնակալությունից անմիջապես հետո։ Բացի այդ, ստորագրելով համապատասխան հրամանագիրը՝ Թրամփը օրենսդրական մակարդակով կտա մարդու կենսաբանական սեռի սահմանումը։

ԱՄՆ որոշ դաշնային գործակալություններ արդեն սկսել են նվազեցնել բազմազանության ծրագրերը: ԱՄՆ Հետաքննությունների դաշնային բյուրոն փակել էր համապատասխան գերատեսչությունը դեռ անցյալ տարվա դեկտեմբերին։

Ամերիկյան ընկերությունները նույնպես սկսել են հրաժարվել ներառման բաժիններից։ Դրանց թվում են Amazon-ը, Meta-ն, McDonald's-ը, Ford-ը և Walmart-ը։