Թրամփը ներում է շնորհել մոտ 1600 գրոհայինի

Դոնալդ Թրամփը երկուշաբթի երեկոյան որպես Միացյալ Նահանգների 47-րդ նախագահ առաջին անգամ ժամանել է Սպիտակ տուն և անմիջապես գնացել Օվալաձև աշխատասենյակ, որտեղ ստորագրել է ավելի վաղ հայտարարած գործադիր հրամաններից շատերը։ Այս մասին հայտնում է BBC-ն։

Առաջիններից մեկը 2021 թվականի հունվարի 6-ին Կապիտոլիումի գրոհի հարյուրավոր մասնակիցներին ներում շնորհելու հրամանն էր, երբ Թրամփի կողմնակիցները փորձեցին կանխել Ջո Բայդենի նախագահի պաշտոնում հաստատումը և անկարգություններ բարձրացրին Վաշինգտոնում։

«Հուսով եմ՝ այսօր ազատ կարձակվեն, նրանք սպասում են դրան՝ մոտ 1500 մարդ»,- ասել է Թրամփը։

Ավելի ուշ ամերիկյան լրատվամիջոցների լրագրողները պարզաբանել են, որ Թրամփը սխալ է խոսել, երբ նա նշել է այս թիվը, իրականում ներում է շնորհվել մոտ 1600 մարդու։