Թրամփը պատրաստ է ձեռք բերել Մասկի TikTok-ը

ԱՄՆ նախագահ Դոնալդ Թրամփը հայտարարել է, որ տեսականորեն բաց է Իլոն Մասկի կամ մեկ այլ խոշոր ամերիկացի գործարարի՝ սոցիալական մեդիա TikTok հարթակը ձեռք բերելու գաղափարին, հայտնում է ՏԱՍՍ-ը։

«Ես կլինեի բաց», - ասել է նա երեքշաբթի օրը Սպիտակ տանը լրագրողներին, երբ հարցրել են այդ մասին:

Թրամփը նաև նշել է, որ հանդիպել է TikTok-ի սեփականատերերի հետ։

«Ես մտածում եմ ինչ-որ մեկին ասել՝ գնիր, կեսը տուր Ամերիկայի Միացյալ Նահանգներին, և մենք քեզ թույլտվություն կտանք, և նրանք կունենան հիանալի գործընկեր՝ Ամերիկայի Միացյալ Նահանգները», - հավելել է նա։

ԱՄՆ-ում TikTok-ի արգելափակման հետ կապված իրավիճակը կապված է 2024 թվականին նախկին նախագահ Ջո Բայդենի կողմից ստորագրված օրենքի հետ, ըստ որի չինական ByteDance կորպորացիան պետք է մինչև հունվարի 19-ը վաճառեր սոցիալական ցանցը ամերիկյան ընկերության՝ արգելքից խուսափելու համար։ Այդ օրը հավելվածը դադարել է աշխատել ԱՄՆ-ում, սակայն հետագայում կրկին հասանելի դարձավ ամերիկացի օգտատերերի համար։

Սա գալիս է ԱՄՆ նոր նախագահ Դոնալդ Թրամփի հավաստիացումներից հետո, ով հայտարարել է, որ գործադիր հրաման է արձակելու երկրում TikTok-ի արգելքը հետաձգելու մասին։