Սիրիան խզում է Ռուսաստանի հետ «Տարտուս» նավահանգստի պայմանագիրը

Սիրիայի իշխանությունները խզել են ռուսական ընկերության հետ «Տարտուս» ծովային նավահանգստի կառավարման պայմանագիրը, որը կնքվել է 2019 թվականին։ Այս մասին գրում է Al Watan թերթը։

««Տարտուս» նավահանգստում ռուսական ընկերության հետ ներդրումների մասին պայմանագիրը չեղարկվել է։ Նավահանգստի գործունեությունից ստացված բոլոր եկամուտները կօգտագործվեն սիրիական պետության շահերի համար»,- ասել է թերթի սյունակագիրը։ Նա հավելել է, որ աշխատողները կվերադառնան սարքավորումների վերանորոգմանը, որոնք չեն արդիականացվել համաձայնագրով:

Ռուսական Stroytransgaz ընկերության հետ ներդրումային պայմանագիրը կնքվել է 2019 թվականին՝ 49 տարի ժամկետով։ Սիրիայի տրանսպորտի նախկին նախարար Ալի Համուդի խոսքով՝ փաստաթուղթը նախատեսում էր նավահանգստի կառավարում և ռուսական կողմից ավելի քան 500 մլն դոլարի ներդրում դրա արդիականացման համար։

«Տարտուսը» Սիրիայի երկրորդ ամենամեծ նավահանգիստն է: Այնտեղ է գտնվում ՌԴ ռազմածովային ուժերի նյութատեխնիկական ապահովման կենտրոնը։ Դեկտեմբերի 12-ին ՌԴ ԱԳ փոխնախարար Միխայիլ Բոգդանովը հայտարարել է, որ Ռուսաստանը ակնկալում է պահպանել Սիրիայում իր ռազմակայանները։