Բոլոր ահազանգերը կուսումնասիրվեն, հաստատվելու դեպքում՝ գումարները կփոխհատուցվեն. Գրիգորյան (տեսանյութ)
ՏեսանյութերՈւղևորափոխադրումների համար բանկային քարտից հավելյալ գումար գանձելու դեպքերը կուսումնասիրվեն։ Այս մասին այսօր քաղաքապետարանի նիստի ժամանակ ասաց փոխքաղաքապետ Սուրեն Գրիգորյանը՝ անդրադառնալով տարածվող տեղեկություններին։
«Մենք պատրաստակամ ենք ուսումնասիրել բոլոր խնդիրները, եթե արձանագրվի, որ ինչ-որ տեխնիկական խնդրի պատճառով սխալ է տեղի ունեցել, բոլոր այդ դեպքերը անպայման կուսումնասիրվեն և եթե հաստատվեն՝ վնասները կփոխհատուցվեն։ Մենք ցանկացած այդպիսի դեպքի հետևից գնալու ենք, ուսումնասիրենք, հասկանանք և պատշաճ արձանագրենք»,- նշեց նա՝ ընդգծելով նաև, որ այս պահին այդ հայտարարությունները հաստատող դեպք չեն արձանագրել։
Միջամտելով ելույթին՝ Երևանի քաղաքապետ Տիգրան Ավինյանն էլ նշեց, թե հավանաբար խոսքն այն մասին է, որ քաղաքացին բանկային քարտով վճարում է կատարել տրանսպորտում, տվյալ պահին հաշվին գումար չի եղել, հետո է գանձվել․ «Հավանաբար, մի քանի օր հետո համակարգն այդ գումարը քաշել է քարտից, իսկ քաղաքացու մոտ տպավորություն է եղել, թե հավելյալ գումար է քաշել քարտից»,- ասաց քաղաքապետը:
ՈՒՂԻՂ ԵԹԵՐ
Ամենադիտված 
Երևանի 3 վարչական շրջանում 36 ժամ ջուր չի լինի
