ՏԻՄ գործունեության պետական միջոցների տնօրինման մասով ՊՎԾ–ի լիազորություններն ահագին ընդլայնվել են․ Պետրոսյան

«Վերլուծություն կար, որ 300 պաշտոնատար անձ 2 միլիարդի նվիրատվություններ են ստացել, ընդ որում, Վեդի համայնքի ղեկավար Գարիկ Սարգսյանը 43 միլիոնի նվեր է ստացել իր հորաքրոջ տղայից։ Սա նորմալ եք համարո՞ւմ»,– այս մասին ճեպազրույցում ՊՎԾ պետ Ռոմանոս Պետրոսյանին հարցրեց լրագրողը։

«Մամուլում այնքան մտածացին հրապարակումներ կան իմ մասին, որ շոկի եմ ենթարկվում, թե ինչեր կարող էի ունենալ կամ ունեմ՝ ըստ այդ հրապարակումների։ Այնպես չէ, որ եթե մամուլում կա հրապարակում, ուրեմն դա 100 տոկոսանոց ճշմարտություն է»,– ասաց նա՝ լրագրողին խնդրելով գրավոր հարցում ուղարկել, ինքը կպատասխանի։

Անդրադառնալով Գարիկ Սարգսյանի կողմից ինքնապարգևատրմանը՝ Պետրոսյանն ասաց․ «ՊՎԾ–ի մասին օրենքի նախագծում ՏԻՄ գործունեության պետական միջոցների տնօրինման մասով մեր լիազորություններն ահագին ընդլայնել և հստակեցրել ենք։ ՊՎԾ–ին որոշակի լիազորություններ է վերապահվել պետական միջոցների կառավարման օրինականությունն ու արդյունավետությունը բարձրաձնելու՝ ՏԻՄ–ի նկատմամբ որոշակի վերահսկողական գործառույթներ անելու համար։ Այս օրենքը, որ մտնի ուժի մեջ մտնի, այդ լիազորությունների շրջանակներում, կարող ենք որոշ ՏԻՄ–երում, այդ թվում ձեր առաջարկով Վեդի համայնքում՝ վերահսկողություն իրականացնել»։