Իշխանությունները փորձում են սիրաշահել ադրբեջանական կողմին․ Արմեն Ռուստամյան

Կարծում եմ՝ իշխանությունները փորձում են սիրաշահել ադրբեջանական կողմին։ Լսում եք այնտեղից հայտարարությունները՝ «ֆաշիստական պետություն» է և այլն ․․․ այդ հայտարարություններին համահունչ է այն ամենը, ինչ տեղի ունեցավ այդ գործի հետ կապված։ Ուզում են ասեն, որ կարող է կան որոշ «ֆաշիստներ», բայց իշխանությունը դրա հետ կապ չունի։ Ուզում են արդարանալ և հերթական անգամ ցույց տալ, որ իրենք ծառայամիտ տրամաբանությամբ են ղեկավարում երկիրը։ Ամբողջությամբ կատարում են Ադրբեջանից եկած հրահանգները։  լրագրողների հետ ճեպազրույցում ասաց «Հայաստան» խմբակցության անդամ Արմեն Ռուստամյանը՝ մեկնաբանելով Հանրապետության հրապարակում «Ղարաբաղ» երգող անձանց տեսանյութը հրապարակած Ղարիբ Բաբայանի գործը։

«Կալանելու համար որևէ հիմք գոյություն չուներ, քրեական գործը ընդհանրապես այդտեղ չկա, դա ակնհայտ է։ Սա ամբողջությամբ շինծու գործ է և քաղաքական ենթատեքստ ունի։ Չէին սպասում, որ հասարակական նման ինքնաբուխ աղմուկ կլինի»,– ասաց նա։