ԱՄՆ-ն անջատել է HIMARS-ի նախազգուշացման և թիրախավորման համակարգերը Ուկրաինայում. Քերոլ

ԱՄՆ-ն անջատել է Ուկրաինայի օդային հարվածների նախազգուշացման համակարգերը և HIMARS հրթիռային կայանների թիրախավորման համակարգերը։ Այս մասին X սոցիալական ցանցում հայտարարել է The Economist-ի լրագրող Օլիվեր Քերոլը։

«Ամերիկան ​​Կիևի ժամանակով ժամը 14:00-ին անջատել է առանցքային կապի գիծը ահազանգերի համար: Նախկինում՝ HIMARS-ի նպատակային տվյալներ: Ուկրաինան նույնպես իրական ժամանակում տեղեկատվություն չի ստանում հեռահար հարվածների համար»,- գրում է Քերոլը։

Ինչպես հաղորդում է EADaily-ն, ԱՄՆ-ը դադարեցրել է Ուկրաինային հետախուզական տեղեկատվություն տրամադրելը, որը թույլ կտա նրան հարձակվել Ռուսաստանի թիրախների վրա, նշում է Sky News-ը՝ հղում անելով աղբյուրին։ Աղբյուրը նշում է, որ ԱՄՆ հետախուզության փոխանակումն ամբողջությամբ չի դադարել։

Միևնույն ժամանակ, ԿՀՎ տնօրեն Ջոն Ռաթքլիֆը հայտարարել է, որ ԱՄՆ-ը մոտ ապագայում կարող է վերսկսել հետախուզական տվյալների փոխանակումը Ուկրաինայի հետ: Ռեթքլիֆը բացատրել է, որ ԱՄՆ նախագահ Դոնալդ Թրամփը «իրական հարց ուներ այն մասին, թե արդյոք նախագահ (Վոլոդիմիր) Զելենսկին հավատարիմ է խաղաղ գործընթացին, և նա ասաց. «Եկեք ընդմիջենք, ես ուզում եմ ձեզ հնարավորություն տալ մտածելու այս մասին»:

Նշենք, որ Կիևը օպերատիվ արձագանքեց.

Ինչպես հաղորդում է EADaily-ն, ուկրաինա-ամերիկյան հանդիպումը հակամարտության կարգավորման բանակցությունների շուրջ կարող է տեղի ունենալ հաջորդ շաբաթ։ Այս մասին երեկոյան իր ելույթում հայտարարել է Կիևի ռեժիմի ղեկավար Վլադիմիր Զելենսկին։

Հիշեցնենք, որ ամերիկյան և ուկրաինական բանակցային թիմերը կհանդիպեն առաջիկայում։ Այս մասին հայտարարել է նախագահական գրասենյակի ղեկավար Անդրեյ Երմակը՝ ԱՄՆ նախագահի ազգային անվտանգության հարցերով խորհրդական Մայքլ Վալցի հետ այսօրվա հեռախոսազրույցից հետո։

Վաշինգտոնն արդեն քննարկում է Կիևի հետ խաղաղ բանակցությունների ամսաթիվը, վայրը և թիմը, որից հետո ռազմական մատակարարումները կարող են վերսկսվել։ Այս մասին հայտարարել է ԱՄՆ ազգային անվտանգության հարցերով խորհրդական Մայքլ Վալցը, հաղորդում է Reuters-ը։

Թարգմանությունը՝ Մանուել Թամազյանի