Թրյուդոն քաղաքականացնում է իշխանության համար սակագների հարցը. Թրամփ

ԱՄՆ նախագահ Դոնալդ Թրամփը և Կանադայի վարչապետ Ջասթին Թրյուդոն մարտի 5-ին հեռախոսազրույց են ունեցել։ Ամերիկացի առաջնորդի խոսքով՝ իրենք գնացել են «մի տեսակ բարեկամաբար», սակայն իր գործընկերը չափից դուրս քաղաքականացնում է սակագնի հարցը՝ իշխանությունը պահպանելու համար։

«Նա չկարողացավ ինձ ասել, թե երբ են ընտրությունները Կանադայում, և ես հետաքրքրված էի, թե ինչ է կատարվում: Ավելի ուշ հասկացա, որ նա փորձում է օգտագործել այդ հարցը՝ իշխանությունը պահելու համար», - գրել է Թրամփը Truth Social-ի իր էջում:

Ամերիկայի նախագահի խոսքով՝ Թրյուդոն զանգահարել է իրեն՝ քննարկելու մաքսատուրքերը հանելու հարցը։ Ինչին ի պատասխան նահանգների ղեկավարը հիշեցրել է նրան, որ Կանադայի տարածքով ներկրվող ֆենտանիլից մեծ թվով մարդիկ են մահացել, և այդ թիվը շարունակում է աճել։

Հիշեցնենք, որ նախօրեին Դոնալդ Թրամփը հայտարարել էր Կանադայի և Մեքսիկայի նկատմամբ մաքսատուրքեր սահմանելու մասին՝ կապված այդ երկրների միջոցով ԱՄՆ հասցվող թմրամիջոցների ապօրինի շրջանառության հետ։ Ամերիկացի առաջնորդը կարծում է, որ հարևան պետությունները բավարար ջանքեր չեն գործադրել խնդրի լուծման համար։

Թարգմանությունը՝ Մանուել Թամազյանի