NYT պարզել է՝ երբ ԱՄՆ կվերսկսի զենքի մատակարարումները Ուկրաինային
Աշխարհ
ԱՄՆ-ից Ուկրաինային ռազմական օգնության դադարեցումը կարող է «համեմատաբար կարճատև» լինել, եթե Վլադիմիր Զելենսկին զիջի Վաշինգտոնի պահանջներին, ենթադրել են ԱՄՆ նախագահ Դոնալդ Թրամփի վարչակազմի ներկայացուցիչները, որոնց այդ հարցը ուղել է The New York Times-ը:
Նրանց կարծիքով՝ զենքի մատակարարման և հետախուզական տվյալների փոխանակման դադարը կոչված է ճնշում գործադրել Զելենսկու վրա, որպեսզի նա համաձայնագիր ստորագրի ԱՄՆ-ի հետ ուկրաինական օգտակար հանածոների համատեղ արդյունահանման մասին։
NYT-ի զրուցակիցներից մեկի խոսքով՝ եթե Զելենսկին գործարք կնքի, շարունակվելու են զենքի մատակարարումները և հետախուզական տվյալների տրամադրումը։
Թրամփի ազգային անվտանգության հարցերով խորհրդական Մայք Ուոլցը նշել է, որ ԱՄՆ-ը քննարկելու է Ուկրաինային օգնության վերականգնման հնարավորությունը խաղաղ բանակցությունների անցկացման և «վստահության ամրապնդման որոշ միջոցների» ընդունման դեպքում:
Զելենսկու գրասենյակի ղեկավար Անդրեյ Երմակը հայտնել է, որ Ուոլցի հետ քննարկել է խաղաղ բանակցությունների մասնակիցների հանդիպման վայրը, կազմը և ամսաթիվը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
