Չինաստանում գործարկվել է 10G ինտերնետ

Ապրիլի 19-ին հայտնի է դարձել, որ երկու ընկերություններ՝ «Huawei»-ն և «China Unicom»-ը, միավորել են իրենց ուժերը և կարողացել Չինաստանում գործարկել 10G լայնաշերտ ցանց։ Այս մասին հաղորդում է Mydrivers պորտալը՝ հղում անելով Huawei-ի հայտարարությանը։

 Նշվում է, որ ներբեռնման փաստացի արագությունը կազմել է 9834 Մբ/վ, իսկ վերբեռնման արագությունը՝ 1008 Մբ/վ։ Ձգձգումը կայուն կերպով կազմել է 3 մվ։

Ընկերությունը վստահ է, որ նման մշակումները հեղափոխություն կլինեն մարդկանց կյանքում։ Ինչպես նշվում է, սա նաև կազդի ապագա ծրագրերի և ծառայությունների մշակման վրա, որոնք պահանջում են բարձր թողունակություն։ 

Նշվում է, որ թեստերի ընթացքում ցանցը կայուն աշխատել է, նույնիսկ այն դեպքում, երբ միաժամանակ օգտագործվել են մի քանի գաջեթներ։