Սիրո խոստովանություն բաժանումից հետո. Աֆլեքը ջերմ խոսքեր է ասել Լոպեսի մասին

Հոլիվուդյան դերասան Բեն Աֆլեքը կրկին հայտնվել է մամուլի ուշադրության կենտրոնում՝ խոստովանելով Ջենիֆեր Լոպեսի հանդեպ իր ջերմ զգացմունքները։

Չնայած ԶԼՄ-ներում տարածված լուրերին զույգի ամուսնալուծության մասին, Աֆլեքը վստահեցրել է, որ Լոպեսը շարունակում է կարևոր դեր խաղալ իր կյանքում։

 

«Ես նրան պաշտում եմ։ Նա ոգեշնչում է շատերին իր ուժով, աշխատասիրությամբ ու խարիզմայով», — հայտարարել է դերասանը մի հարցազրույցի ժամանակ։

 

Նրա խոսքերը հուզել են երկրպագուներին, ովքեր ուշադիր հետևում են նախկին զույգի հարաբերությունների զարգացմանը։

Հիշեցնենք, որ Բեն Աֆլեքն ու Ջենիֆեր Լոպեսը վերամիավորվել էին տարիներ անց բաժանումից հետո՝ ամուսնանալով 2022 թվականին։ Սակայն վերջին ամիսներին բազմաթիվ հրապարակումներ են հայտնվել նրանց հնարավոր անջատման մասին։

Աֆլեքի հրապարակային խոստովանությունն այս համատեքստում նոր հետաքրքրություն է առաջացրել նրանց պատմության շուրջ։