Թրամփի վարկանիշը Սպիտակ տուն վերադարձից ի վեր՝ իջել է ամենացածր ցուցանիշին

ԱՄՆ նախագահ Դոնալդ Թրամփի հավանության վարկանիշն իջել է մինչև 42%՝ ամենացածրը նախագահի պաշտոնին վերադառնալուց ի վեր։ Այս մասին են վկայում Ipsos հետազոտական ​​ընկերության հետ համատեղ Reuters-ի անցկացրած հարցման արդյունքները։

Ստացված տվյալների համաձայն՝ Թրամփի հավանության վարկանիշը ընդամենը մի քանի ամսում նվազել է հինգ տոկոսային կետով՝ հունվարին՝ պաշտոնը ստանձնելուց անմիջապես հետո, վարկանիշը կազմել է 47%, իսկ ապրիլի սկզբին այն մնացել է 43%-ի վրա։

Reuters-ը հիշեցրել է, որ նրա նախորդը՝ դեմոկրատ Ջո Բայդենը, սկսել է իր նախագահական ժամկետը 55% բարձր վարկանիշով։ Սակայն 2022 թվականից ի վեր նրա վարկանիշը չի բարձրացել 42%-ից՝ հասնելով 35%-ի նվազագույն արժեքի՝ 2024 թվականի հոկտեմբերին։

Հարցումը նաև ցույց է տվել, որ ամերիկացիների գրեթե 60%-ը կարծում է, որ երկիրը կորցնում է միջազգային վստահությունը ներկայիս նախագահի օրոք: Նրանցից հարցվածների մոտ մեկ երրորդը սատարում է Հանրապետական ​​կուսակցությանը։