Մինչև 2018–ը պատերազմ չի եղել, բայց բավականին շատ կրակոցներ ու մահեր են եղել սահմանին․ Սիմոնյան
Քաղաքական
«Ի՞նչ է հիմա ուզում Ադրբեջանը, ինչո՞ւ են կրակում»,– նման հարց լրագրողն ուղղեց ԱԺ նախագահ Ալեն Սիմոնյանին։
Ի պատասխան՝ վերջինս ասաց․ «Հարցրեք Ադրբեջանի հետ աշխատող ընդդիմադիր գործիչներին։ Իրենք շատ լավ ասում են, թե Ադրբեջանն ինչ է ուզում, հետո մեղադրում են մեզ դրա կատարման մեջ, հետո ասում են՝ Ադրբեջանը եթե կրակում է, ուրեմն ամեն ինչ ձեր մոտ չի ստացվելու»։
Նա վստահեցրեց, որ բանակցությունները փակուղում չեն, քննարկումները շարունակվում են։ «Բանակցությունները փակուղում չեն հայտնվելու և պատերազմի հավանականությունը որևէ քայլով չի ավելացվելու»,– ասաց Սիմոնյանը՝ նշելով, որ ամեն ինչ պետք է արվի, որ ՀՀ իշխանության խաղաղության օրակարգն իրականություն դառնա։
ԱԺ նախագահի կարծիքով՝ կարող է կրակոց լինել, ու ոչ մի էսկալացիա չլինել, և՝ հակառակը․ «Մինչև 2018 թվականը բավականին շատ կրակոցներ են եղել, բայց պատերազմ չի եղել, բազմաթիվ մահեր են եղել սահմանին, իսկ հիմա ունենք իրավիճակ, երբ կա համաձայնեցված փաստաթուղթ»։
Նա նշեց, որ Սանկտ Պետերբուրգում առանձնազրույց է ունեցել Ադրբեջանի Միլի Մեջլիսի նախագահ Սահիբա Գաֆարովայի հետ․ «Իմ տպավորություններով՝ որևէ փակուղու մասին պետք չէ խոսալ, նաև ադրբեջանական կողմին է ձեռք տալիս, որ գործընթացը հնարավորինս արագ ավարտին հասցվի, որով մենք զբաղվում ենք»։
ՈՒՂԻՂ ԵԹԵՐ
Ամենադիտված 
Հնդկաստանը խայտառակությամբ խաղաղության սպիտակ դրոշ է բարձրացրել․ Պակիստան
