ՀՀ–ում տղամարդու համար ավել բռնելն ամոթ է. Փաշինյանը` բանակի խնդիրների ու կրթության մասին

 «Տանը հյուրեր են հավաքվում, մարդիկ նորմալ շփվում են, մեկ էլ ասում են՝ «արի, արի, հլը ասա՝ տատիկին ի՞նչ ես ասել»։ Բարեբախտաբար, կարգավիճակի բերումով երկար ժամանակ չեմ առնչվել նման իրադրության հետ։ Բայց եթե ինձ ասեք, որ էլ չկա նման բան՝ կերջանականամ։ Ենթադրում եմ, որ դա նրանից է, որ ընդունված չէ վարչապետի մոտ նման տեսարաններ ի ցույց դնել»,- Կառավարության նիստի ժամանակ Նիկոլ Փաշինյանը։

Նրա դիտարկմամբ՝ իրականում գենդերային բռնությունը միայն կանանց նկատմամբ չի լինում, այլ նաև տղամարդկանց նկատմամբ է։ «Այն, որ մանկահասակ երեխային հայհոյանք են սովորացնում՝ դա բռնություն է, կարծրատիպերի որոշակի պարտադրանք է։ 

Մեր երկրում կա նման երևույթ, որ պետք է սև շոր հագնես ու ծիծակ կոշիկներ, որովհետև դրանից դուրս կասեն՝ ինչի՞ է սենց։ Դա բարեբախտաբար փոխվում է, բայց փոխվում է միայն կրթության շնորհիվ։ Դա հաղթահարելու ուրիշ ճանապարհ չկա, մեր երկրում կա կարծրատիպ, որ մեր երկում ինչպես կանանց թույլ չեն տալիս աշխատել, նույնկերպ էլ տղաներին թույլ չեն տալիս սովորել, սա պետք է խոստովանենք։ Կա քառակուսի, որից դուրս թույլ չեն տալիս դուրս գալ տղաներին, որովհետև ճիշտը մի հատ է, ճշտից դուրս եկար՝ ուրեմն սխալ ես մտածում»,-ասաց Փաշինյանն՝ ընդգծելով, որ այս պրոբլեմը ոչ մի միջազգային գործընկեր չի օգնելու փոխել, կանանց իրավունքների համար ծրագրեր բերելու են, բայց մյուս օրակարգը, որի մասին խոսեցին՝ ոչ մեկ չի բերելու՝ սպասարկի, քանի որ դա մեր պրոբլեմն է ։

Նա ընդգծեց, որ բանակում պրոբլեմների մեծ մասը ձևավորվում են միջավայրի նկատմամբ մեր վերաբերմունքի կուլտուրայից։ «ՀՀ-ում տղամարդու համար ավել բռնելը ամոթ է, ու խնդիրը միջավայրի մեջ է, աղբի մեջ ապրելը ամոթ չի, բայց տղամարդու կողմից աղբը հավաքելը կարող է ամոթ լինել, մահացու մեղք լինել, հետո ասում են՝ բանակում ոնց եղավ, էյ, էդպես էլ եղավ»։