Հայրենիքը ավելի լայն հասկացություն է, քան պետությունը. պատմաբանները հակադարձում են Փաշինյանին (տեսանյութ)

Պետական քարոզչությունը Նիկոլ Փաշինյանի գլխավորությամբ արդեն մի քանի տարի քարոզում է մարդկանց, որ հայրենիքը պետությունն է: Ասել է, թե՝ հայրենիքն ու պետությունը նույնական են: Կառավարությունը, պետական տարբեր գերատեսչություններ տեսահոլովակներով ու գովազդային մեծ վահանակներով քարոզում են վարչապետի կողմից շրջանառության մեջ դրված այս կարգախոսը՝ «Հայրենիքը պետությունն է. սիրո՞ւմ ես հայրենիքդ՝ ուժեղացրու պետությունդ»: Բայց արդյո՞ք հայ ժողովրդի հայրենիքն ու պետությունը նույնական են: Իսկ ո՞ւր մնաց պատմական Հայաստանը, ո՞ւր մնաց Արցախը:

Պատմաբան Ամատունի Վիրաբյանը հակադարձում է վարչապետին՝ հայրենիքն ավելի լայն հասկացություն է, քան պետությունը: Euromedia24-ի հետ զրույցում Հայաստանի ազգային արխիվի նախկին տնօրենը «հիմարություն» անվանեց փաշինյանական կարգախոսը՝ շեշտելով, որ հայրենիքը սոսկ պետության տարածք չէ, այլ պատմություն է, տվյալ պարագայում՝ հայ ժողովրդի երեքհազարամյա պատմությունը:

Մանրամասները՝ տեսանյութում:

Արամ Սարգսյան