Այս երթը պատասխան է խուլիգանախմբին, ովքեր, փողի և իշխանության մոլուցքով, պատրաստ են ամեն ինչ ուրանալ․ Բագրատ Սրբազան (տեսանյութ)
ՔաղաքականԱյս երթը ամբողջությամբ պատասխանն է այս շենքում (ՀՀ ԱԺ) ծվարած խուլիգանախմբին, ովքեր, փողի և իշխանության մոլուցքով, պատրաստ են ամեն ինչ ուրանալու: Ընդ որում, Ցեղասպանությունը, որը մեր ինքնության, մեր գոյության, մեր պայքարի իրավունքի, մեր անվտանգության առանցքն է կազմում: Այս մասին ասել է «Սրբազան պայքար» շարժման առաջնորդ Բագրատ Սրբազանը։
«Ցեղասպանության փաստը նաև մեր` աշխարհի հետ խոսելու լեզուն է:
Այս խուլիգանախումբը փորձում է շեղել, մոռացնել տալ, շարունակական հիշողությունը ջնջել, բայց մոռացել եմ, որ այս ժողովուրդը ճիչ ունի, աղաղակ ունի, պայքարի կամք ունի:
Պայքարի կամքը, ապրելու ձգտումը չի´ մեռել, ինչքան էլ որ սրանք փորձեն թաղել:
Այս դավաճանախումբը գիտի, որ մե´նք ենք քշելու իրենց: Այս ժողովուրդն է քշելու, և ես էլ պատրա´ստ եմ այդ գործը իրականացնել, և Այդպես էլ լինելու է։
Դուրս ենք եկել փողոց, պայքարում ենք մեր սեփական իշխանության ժխտողականության հետ:
Տարիներով մեր ժողովուրդը աշխարհի բոլոր ծագերում զարկել է բոլոր պետությունների դռները` պայքարելով թուրքական ժխտողականության դեմ, այսօր այս(ՀՀ իշխանության) ժխտող ժխտողականների դեպ է պայքարը, և նաև հանուն այս հիշատակի և հանուն մեր շարունակականության»:
ՈՒՂԻՂ ԵԹԵՐ
Ամենադիտված 
Մարտի 20-ին կդադարեցվի ջրամատակարարումը. հասցեներ
