Պրեսկոտը կհանդիպի մարտի 1-ի զոհերի հարազատներին

Վաղը՝ հունվարի 17-ին, ժամը 09:00–ին ԵԽԽՎ մոնիտորինգի հանձնաժողովի համազեկուցող Ջոն Պրեսկոտը Արմենիա Մարիոթ հյուրանոցում կհանդիպի «Մարտի 1» հասարակական կազմակերպության անդամների եւ մարտի 1-ի զոհերի հարազատների հետ։ 

Հիշեցնենք, որ մինչ Պրեսկոտի կողմից զոհվածների հարազատների հետ հանդիպելու որոշման կայացումը, «Մարտի 1» ՀԿ անդամները, ինչպես նաեւ զոհվածների հարազատները մտադիր էին բողոքի ակցիայով «պատվել» Պրեսկոտի այցելությունը։ Նրանց մտահոգում է սպանության դեպքերի չբացայատված լինելու հանգամանքը։   Ավելորդ չենք համարում նշել,  որ ի սկզբանե Պրեսկոտը զոհվածների հարազատներին հանդիպելու ցանկություն չի արտահայտել. դրա համար հիմք է դարձել հարազատների կողմից հանդիպման խնդրանքով ուղարկված նամակը՝ խիստ տոնայնությամբ։