Աշխարհի ո՞ր մի երկրում ես պատկերացնում՝ պատգամավորը տեղից ասի՝ դու ո՞վ ես․ ՔՊ–ական պատգամավոր

Սա ընկերական հավաք չէ, սա քաղաքական պայքարի դահլիճ է, և այստեղ կարող է լինել վեճ հիմնականում խուսափողներից և նախատեսված ելույթի ժամերին, իսկ եթե պարոն Քոչարյանի պահվածքի նման պահվածք էլի կրկնվի, նաև՝ խոսափողից, այսինքն՝ տեղերից արձագանքների միջոցով, նրա ասածը չի կարելի թողնել անարձագանք: Այդ մասին խորհրդարանական ճեպազրույցի ժամանակ ասաց «Քաղաքացիական պայմանագիր» խմբակցության պատգամավոր Արման Եղոյանը՝ անդրադառնալով ԱԺ փոխնախագահ Հակոբ Արշակյանի և «Հայաստան» խմբակցության պատգամավոր Լևոն Քոչարյանի վեճին, որի հետևանքով խորհրդարանի դահլիճում հրմշտոց սկսվեց:

«Աշխարհի ո՞ր մի երկրում ես պատկերացնում՝ պատգամավորը տեղից ասի՝ դու ո՞վ ես: Կարող է ասել՝ դուք վատն եք, սխալ եք, ինչ-որ տեղ կոպիտ խոսի, սխալ խոսի, բայց առանց այդ մարդուն... Այսինքն՝ չգիտի՞, թե ով է:

Իսկ ես նորից եմ ասում, ինքը ո՞վ է՝ բացի հոր տղեն լինելուց: Ի՞նչ է արել էս կյանքում առանց իր հոր: Եթե չլիներ հայրը, ի՞նչ կկարողանար աներ այս երկրում այն ամենից, ինչ արել է: Կունենա՞ր այսքան գույք: Ասում է՝ 4 մլրդ չի, քիչ է: Լավ, քիչ է, 4 մլրդ չէ, 100 մլն դոլար է, լավ 4 մլն դոլար է, կունենա՞ր»,– ասաց նա: