Թրամփի հակառակորդները լուրջ խոչընդոտներ են ստեղծում․ New York Times

ԱՄՆ նախագահ Դոնալդ Թրամփի հակառակորդները բացահայտել են բանակցություններում նրա «մաքսիմալիստական մարտավարությունը», ինչի պատճառով նրա համար դժվար է դառնում միջազգային գործերում իր շահերն առաջ տանելը: Այս մասին գրում է The New York Times թերթը։

«Նախագահ Թրամփն արդեն վաղուց վայելում է մաքսիմալիստի համբավ՝ հսկայական պահանջներ առաջադրելով, ճգնաժամ ստեղծելով և բարձր ճնշման տակ բանակցություններ սկսելով», - նշվում է պարբերականի նյութում: Հստակեցվում է, որ նրա ոճն ունի «գործարքների կողմնորոշում», ինչն արդեն սկսել են «որսալ» նրա ընդդիմախոսները։

Հեղինակները նշում են, որ Թրամփը դրա պատճառով ամենից հաճախ ստիպված է լինում հետ կանգնել իր պահանջներից՝ հայտարարելով, որ ինքը «հաղթել է» բանակցությունների արդյունքում։ Նրանց խոսքով՝ նման մարտավարություն է տեղի ունեցել Կանադայի և առևտրային սակագների նկատմամբ նրա քաղաքականության հետ կապված։