«4090 հիմնադրամը» հայտարարում է նոր ընդունելություն՝ 2025-2026 ուստարվա կրթավճարների տրամադրման համար

«4090 Բարեգործական» հիմնադրամը հայտարարում է կրթավճարների աջակցության ծրագրի նոր շրջափուլի մեկնարկը՝ նախատեսված 2025-2026 ուսումնական տարվա համար։ 

Հիմնադրամի նպատակն է ստեղծել կրթության և հետագա մասնագիտական զարգացման լավագույն հնարավորությունները հայրենիքի պաշտպանների համար։

Տրամադրվելու են կրթավճարներ 2025-2026 ուստարվա համար 2016 և 2020թթ. պատերազմներին կամ 2022 և 2023թթ. մարտական գործողությունների  մասնակից ուսանողներին, ովքեր սովորում են ՀՀ ցանկացած ԲՈՒՀ-ում։

Դիմումների ընդունման վերջնաժամկետը՝ հունիսի 15, 2025 թ., ժամը 23:59

Հայտադիմումները պետք է ներկայացվեն PDF ձևաչափով՝ մեկ նամակում և մեկ փաստաթղթում։

Նամակի վերնագրում խնդրում ենք նշել՝ «Հայտ 2025 անուն/ ազգանուն»։

Ընտրությունն իրականացվում է երկու փուլով.

1. փաստաթղթերի նախնական դիտարկում
2. անհատական հարցազրույց

Դիմելու ձևաչափին, պայմաններին և պահանջվող փաստաթղթերի ցանկին կարող եք ծանոթանալ այստեղ:

 «4090 Բարեգործական» հիմնադրամն ստեղծվել է արցախյան երրորդ պատերազմից հետո, և  նպատակն է տրամադրել կրթության հնարավորություն 2016 և 2020 թվականների պատերազմների և դրանց հաջորդած մարտական գործողությունների մասնակից այն քաջորդիներին, որոնք, չնայած տարբեր խոչընդոտների, գնում են իրենց երազանքի հետևից՝ դառնալով հայրենիքի ապագայի կերտողները։ Այս պահին հիմնադրամն ունի բարձրագույն կամ միջին մասնագիտական ուսումնական հաստատությունում սովորող շուրջ հարյուր քսան ուսանող-շահառու։ Հիմնադրամը չունի քաղաքական, կրոնական կամ արհեստակցական նպատակներ և չի հարում որևէ քաղաքական հոսանքի և մինչ օրս ֆինանսավորվել է հիմնականում անհատ բարերարների և մասնավոր ընկերությունների շնորհիվ։