Թրամփի իմպիչմենտի գործընթացը կասեցվել է․ NBC News

Դեմոկրատ Շրի Թանեդարը հետաձգել է Կոնգրեսում Թրամփի իմպիչմենտի քվեարկությունը գործընկերների ճնշման պատճառով,հաղորդում Է NBC News-ը:

Միչիգանից կոնգրեսական Շրի Թանեդարը չորեքշաբթի որոշել է ներկայացուցիչների պալատում քվեարկության չանցկացնել նախագահ Դոնալդ Թրամփի իմպիչմենտի հարցով:

«Շատ գործընկերների հետ խոսելուց հետո ես որոշեցի չպնդել իմպիչմենտի քվեարկությանը այսօր։ Փոխարենը ես կլրացնեմ իմ իմպիչմենտի մասին հոդվածները և կշարունակեմ աջակցություն փնտրել ինչպես դեմոկրատների, այնպես էլ հանրապետականների շրջանում, որպեսզի պաշտպանենք սահմանադրությունը», - նշել է կոնգրեսականը:

Շատ դեմոկրատներ կարծում են, որ Թրամփը կատարել է իմպիչմենտի արժանի հանցագործություններ։ Նրանցից շատերն արդեն երկու անգամ քվեարկել են իմպիչմենտի օգտին: Այնուամենայնիվ, այս շաբաթ Թանեդարի առաջարկը համարվում էր Կոնգրեսի կրիտիկական պահին ուշադրությունը շեղելու փորձ: