«ՀԷՑ»-ի ազգայնացման հարցը ծագել է Սամվել Կարապետյանի հայտնի հայտարարությունից անմիջապես հետո․ Աննա Գրիգորյան

ՀՀ ԱԺ արտահերթ նստաշրջանի օրակարգում ներառվել է ռազմավարական նշանակության հարց և այժմ առաջարկվում է այն քննարկել արագացված 24-ժամյա ռեժիմով։ Այս մասին հուլիսի 1-ին Ազգային ժողովի արտահերթ նստաշրջանում հայտարարել է «Հայաստան» դաշինքի պատգամավոր Աննա Գրիգորյանը՝ դիմելով ՏԿԵ փոխնախարար Արմեն Սիմոնյանին։

Գրիգորյանը, մասնավորապես, անդրադարձավ «Հայաստանի էլեկտրական ցանցեր» ՓԲԸ-ի ազգայնացման հարցին: Պատգամավորը չի հասկանում, թե ինչու է կառավարությունն այդքան շտապում:

«Իմ պատասխանը հետևյալն է՝ եղել է գործարար Սամվել Կարապետյանի հայտնի հայտարարությունը՝ ի պաշտպանություն Հայ Առաքելական եկեղեցու: Սա, իր հերթին, որոշակի շտապողականություն է առաջացրել կառավարությունում: Եթե դուք համաձայն չեք այս մոտեցման հետ, ապա բացատրեք, թե ինչու պետք է այս նախագիծը քննարկենք արագացված կարգով», - ասել է Գրիգորյանը: 

Պատգամավորի խոսքով՝ անկախ նրանից, թե ով ինչ է ասում, դա ավելի քան ակնհայտ է. «Հայաստանի էլեկտրական ցանցեր» ՓԲԸ-ի ազգայնացման հարցը ծագել է Սամվել Կարապետյանի հայտնի հայտարարությունից անմիջապես հետո»։