Չվճարման կամ կրիչը չվավերացնելու համար առաջանալու է տուգանք՝ 15 հազար դրամի չափով. փոխնախարար

«Ո՞նց եկաք էդ եզրակացության, որ քաղաքացին ամեն դեպքում տուգանքի մատերիալ է: Եվ երկրորդ, տուգանքի չափը որքա՞ն է լինելու»,- ԱԺ-ում դիմելով ՏԿԵ նախարարի տեղակալ Արմեն Սիմոնյանին՝ հարցրեց ընդդիմադիր պատգամավոր Թադևոս Ավետիսյանը:

«Չվճարման կամ կրիչը չվավերացնելու համար առաջանալու է տուգանք՝ 15 հազար դրամի չափով: Եթե քաղաքացին օգտվել է ոչ իր կողմից ձեռք բերված կամ արտոնություն ունեցող անձի կրիչը կրող քարտից, սահմանվում է 15 հազար դրամ տուգանք»,- ասաց պաշտոնյան:

Նշենք, որ ԱԺ–ում քննարկվել է Երևանի հանրային տրանսպորտի փոխադրավարձը չվճարող քաղաքացիներին տուգանելու վերաբերյալ օրենսդրական փաթեթը։